Martín García Silvero ojapo Bloc de Notas Guaraníme

Arateĩ 10 jasypoteĩ 2011-pe, angirũ MARTÍN GARCÍA SILVERO omomarandu ojapohague peteĩ BLOC DE NOTAS GUARANÍME. Ha'e omombe'u kóicha:  “NO NACIÓ COMO UNA SOBRE-VALORACIÓN DEL GUARANÍ SINO PARA DARLE SU VERDADERO REALCE A NUESTRO DULCE IDIOMA, UN ESPACIO EN LA TECNOLOGÍA PARA QUE NO TERMINE COMO UNA LENGUA MUERTA ANTE LOS AVANCES TECNOLÓGICOS”.

BLOC DE NOTAS GUARANIME ha'e peteĩ aplicación ndaha'éiva software portable, ha'e peteĩ componente Microsoft Windows XP SP2 rehegua. Oreko 68,5 kb, 70.144 bytes. Ogueru umi mba'e ndahasyive hag̃ua rembaápo pype:
Archivo (Ñongatupy)
Edicion (Ñemohenda)
Formato (Jehai Retepy)
Imprimir Kuatia Hai.
Ehechave hag̃ua: http://www.youtube.com/watch?v=UT1u1IPJv58 ha eipuruséramo: http://www.4shared.com/file/V3bip4T5/notepad.html?

Martín García Silvero niko heñóikuri táva Villarrica-pe, Paraguay retâme, ára 14 jasyteî ary 1990-pe. Ha’e oguereko 21 ary. Itúva héra Juan Bautista García Bogado ha isy héra María Clotilde Silvero Medina. Oike oñemoarandu mitâmbo’ehao Escuela Rural Villarrica-pegua. Upépe omohu’â rire, oike mitârusumbo’ehao Centro Regional de Educación Natalicio Talavera-pe, pyharekue.

Omoĝuahêvo ijapýpe iñemoarandu upépe, oike oñehekombo’évo Universidad Técnica de Comercialización y Desarrollo – UTCD, ayvurendakuaápe; upéicha rupi Martín García Silvero ikatupyry ayvurenda purúpe ha avei ayvurenda myatyrôme. Iporâ ja’e avei Martín oñe’êha Guarani imitâ guive. Guarani ha’e iñe’ê’ypy.
Hi’âinteva’erâ, ára ha ára, jaguerekove ñane retâme âichagua mitârusu arandu omba’apo haĝua Guarani ñe’ê ha ñande reko ñemombaretépe. ATENEO DE LENGUA Y CULTURA GUARANI rérape rombohasa heta vy’apavê Martín García Silvero-pe ojepytaso ha ohayhu añetére ñanemba’ete.

Ojehecha: http://bit.ly/ndzlSE