Marandu 24 Jasypo: Oñenohẽ sambyhyha jahai porãve hag̃ua guaraníme

“Guía de estilo para una ortografía razonada del guaraní” ha'e kuatiahaipyre ohaíva'ekue Hedy Penner ha Dora Bobadilla de Cazal.

Eikuaavehag̃ua: Lanzan guía para ortografía razonada del idioma guaraní

Marandu

Ko ára guive, Marandúpe ikatúta pemoñe'ẽ umi marandu guarani ñe'ẽ rehegua kuatiahaipyrépe osẽva.

Ava ñe’ẽ ñanduti guasúpe

Maitei!

Ko árape jahecháta umi tenda internétpe guaraníme ojehaíva. Sa’i gueterí ko’ãgapeve umi ñanduti rogue. Hetave jatopa España ñe’ẽme ojehaíva ha oñe’ẽva guaraní rehegua.

Kóva jahecha avei akõi jaikoháipi, ñañe’ẽ guaraní katu ndajahaíri.

Néi, jahecha katu umi ñanduti rogue oĩva gueteri On-line:

Guarani Ñanduti Rogue

Oñepyrũ jasypateĩme 1995-pe, omyakã Wolf Lustig, mbo’ehára Universidad de Maguncia, Alemania-gua. Ojehai aveí español, alemán, portugués ha inglés-pe.

Oguereko heta kuatiaarandu, purahéi, mombe'u gua'u, ta'anga ha ñe’ẽryru trilingüe (español, alemán ha guaraní).

Ehechahag̃ua: http://www.guarani.de

Ateneo de Lengua y Cultura Guaraní

Ha’e peteĩ institución ombo’éva ha ohechaukáva ñe’ẽ guaraní Paraguáipe ha avei ambue tetãre.

Ehechahag̃ua: http://www.ateneoguarani.edu.py

El idioma guaraní

Ojapova’ekue Jorge Román Gómez, Ituzaingó, Corrientes, Argentina-gua. Upepe retopáta fonología, mor­fología, conversación ha vocabulario guaraní-me.

Ehechahag̃ua: http://www.educar.org/Kunumi/
 

Guarani Raity

Ojapóva’ekue Mario R. Bogado. Upépe ha’e omono’õ opaichagua kuatiañe'ẽ guarani rehegua. Avei ohepyme’ẽ revista, disco umia ha ombo’e guaraní


Ehechahag̃ua: http://www.guarani-raity.com

Guarani Renda

Heñoi 18 jasypokoi 2002-pe. Omono’õ opa mba’e guaraní rehegua.

Ehechahag̃ua: http://www.guaranirenda.com

  

Jajotopjeýpeve!

Tembiporu guaraníme internet-pe jatopáva

Internét-pe oi mbovy tembiporú ikatúva jaiporu ñe'ẽ guaraníme ñamba'apótarõ:

"Diccionario traductor guaraní" iGuaraní. 

Péva he'ise hina ñẽ'ẽryru ha ambue ñẽ'ẽme ñambohasa hag̃ua. Ndahasýiete jaiporú (che aiporu ahekahag̃ua ñẽ'ẽ aikuaa'ỹva ko blogpeguarã).
Oguereko techaukaha he'íva omboajeha estándar kuera guaranímegua. Ko tembiporu omopu'ã Diego Gavilán ha rehechahaguã ejopy ko'ápe: iGuaraní

Google avañe'ẽ

Péva ha'e hina pe hekaha tuichavéva ñane ñe'ẽme. 

Rehechahaguã ejopy ko'ápe: Google avañe'ẽ

Vikipetã

Ko tendápe, ojejapo sãso kuaárenda Wikipedia avañe'ẽme. Oha'arõ ha omba'apo ojapo mba'e avañe'ẽme. (nahániri karaiñe'ẽme!) Oĩ 1.395 mba'e hai kuéra avañe'ẽme ko'ag̃agua.

Rehechahaguã ejopy ko'ápe: Vikipetã

Ko'apeve roguãhẽ che ang̃irũnguéra. Ambue ára ñambohetavéta tembiporu guaranípe internet-pe jatopáva.
Jajotopápeve!

Ñepurũrã

Mba’éichapa che angirũnguéra?

Ko árape amoñepyrũ ko ‘blog’ hérava Tecno Guaraní.

Ha’e peteĩ blog tecnología rehegua guaraníme ojehaíva. (Umi tecnología rehegua ñañe’ẽta hina)

Mba’erã ajapo kóva? Oimearã peje hina. 

Kóvako che ahai ikatuhag̃uáicha ojekuaave ñande ñe’ẽ. Guaraní ñe’ẽ ko ndahasýi lo mitã, che ndaha’éi mbo’ehára, ahayhúnte ñande ñe’ẽ ha aipota peẽ avei peikuaa ha pehayhu.

Heta aipurúta hína jopará, ikatu hag̃uáicha ñañentende porãve, aníkena upéa penembopochy. :)

Jahareí katu hese, pehejánte chéve pe “Comentarios” he’ihápe mba’épa peñandu, ikatuhag̃uaicha ñamoambue ha ñamoporãve jahávo Tecno Guaraní.

C.O.